Punta kaq kuchicham llumpay qilla karqa. Hinaptinmi wasichakurqa chakisqa ichukunawan. Puñukuq rinan raykum ratuchalla wasichanta rurarurqa.
Qatiqnin kuchichañataqmi llumpay mikuysapa karqa. Payñataq wasichakurqa kaspinakuwan. Paypas ratuchallam wasichakururqa imakunatapas mikunanpaq rinan rayku.
Huknin kuchichañataqmi llamkaysapa karqa. Payñataq wasichakurqa ladrillukuwan, simintukunawan. Unaypim wasichakuyta tukurqa, ichaqa allin allin sayaq wasim karqa; sumaq sumaqllaña.
Sacha Sacha ukukunapin hatun atuq allwakuyta qallariykurqa. Maqta llarqasqallaña, chay atuqqa chayarurqa kuchichakunapa wasinkunaman llapankuta mikurunanpaq umanchakuspa. Kuchichakunañataq rikuruspanku sapakama wasinkuman ayqirqaku, yaykuykuspankum punkuta allinta wichqakaramurqaku.
Chay atuq, puntatam rirqa ichu wasiman. Chaypi sayaykuspam, punkuta takastin nirqa: ¡Kichay punkuta! ¡Kichay punkuta, manachayqa pukuspaymi wasikitaqa tuñirachisaq!. Ichaqa kuchichaqa manam wasinta kicharqachu. Hinaptinmi atuqqa kuk pukuyllawan ichu wasitaqa tuñirachirqa.
Chay kuchichañataq katatatastin, maqta mancharisqallaña kallparqa wawqinpa kaspi wasiman. Chayman challaruptinñataqmi, wawqin punkuta ratuchalla kichaykurqa yaykunanpaq. Atuqqa, qatispa paypas challarurqa kaspi wasinman. Punkunpi sayaykuspam, punkuta takastin nirqa: ¡Kichay punkuta! ¡Kichay punkuta, manachayqa pukuspaymi wasikitaqa tuñirachisaq!. Ichaqa manam wasita kicharqakuchu.
Hinaptinmi atuqqa iskai pukuyllawan kaspi wasitaqa tuñirachirqa. Mancharisqallaña, iskayninkum kallparqaku wawqinkupa ladrillu wasiman. Atuqqa hinalla hipanta qatirqa. Kuchichakuna challaruptinkum wawqinku ratuchalla yaykurachirqa wasinman. Atuqñataq challaruspam, punkunpi sayaykuspam, punkuta takastin nirqa: ¡Kichay punkuta! ¡Kichay punkuta, manachayqa pukuspaymi wasikitaqa tuñirachisaq!. Llamkaysapa kuchichañataq kaynata kutipakurqa: ¡Munasqaykita pukuy, qaykapkamapas pukuy, manam kichasaykichu!
Atuqqa kallpachakuspam pukuyta qallaykurqa. Huk, iskai, kimsa … musuqmanta kallpachakuspam, tukuy kallpanwan pukurqa, ichaqa wasitaqa manam aytinyarirapaschu. Chay wasiqa mana tuñiq allin kallpachasqa wasin karqa. Hikutayachkapmi samayninpas yaqalla chinkarurqa.
Atuq pisiparuspam hinalla hikutayarqa. Hinaspanmi iskalirata aparamuspan siqarurqa wasi hawanman, qusni lluqsiq uchkunninta llaykunanpaq. Chayninta llaykuchpatinmi, kuchichakuna musyaramurqaku. Hinaspanmi paykunañataq hatun mankapi churaykurqaku yaku timpuchkaqta. Atuq uraykamuchkaptimi chupantanta hinarurqa chay yaku timpuchkaqman. Maqtachata qaparispam, maqtachata allwakuspam allqirqa sacha sacha manchay ukuman.
Chay punchawmantam atuqqa manaña rikuriqarchu nitaq allwakurqachu.
Chay punchawmantam kuchichakunaqa kusisqallaña tiyakurqaku. Kay pasasqankuwanmi llapallanku llacharurqaku: “allin llamkaspallam tukuy imata tarinchik allin allin kananpaq”
